Propietateak - Bistaratzea

Propietateen koadroko lehen leihoak (Figure 3), Mahai Gidaren applet-a bistaratzeko modua kontrolatzeko aukera ematen dizu.

Aukera hauek ditu:

• Aldatu ataza-zerrendako geziaren posizioa — ataza-zerrendaren leihoa irekitzeko gezia applet-aren alde batetik bestera eramaten du.

• Erakutsi uneko mahaigaina soilik orrialdekatzailean — uneko mahaigaina bakarrik erakusten du applet-ean bere leihatila guztiekin.

• Ezarri sareta atazen gainean — Leiho-kudeatzailearekin leihatila bat baino gehiago erabiltzen baduzu (ez mahaigain bat baino gehiago soilik), Mahai Gidak leihatila-sareta bat marraztuko du uneko mahaigainean. Sareta leihoen gainean nahiz azpian marraz dezake.

• Erakutsi Mahai Gidaren argibideak — Mahai Gidaren applet-aren hainbat osagairi buruzko argibideak bistaratzen ditu. Gezia da argibide bat bistaratzen duen elementu bakarra.

• Mahai Gidaren argibidearen atzerapena [ms] — argibidea bistaratu arteko denbora, milisegundotan. Zenbaki bat idatz dezakezu, edo geziak erabili zenbakia aldatzeko.

• Erakutsi mahaigainen izenen argibideak — Leiho-kudeatzaile batzuek, hala nola Enlightenment-ek, mahaigainei izena jartzeko aukera ematen dute. Eginbide honen bidez, Mahai Gidak mahaigainaren izena bistaratzen duten argibideak erakusten ditu.

• Mahaigainen izenen argibidearen atzerapena [ms] — argibidea bistaratu arteko denbora, milisegundotan. Zenbaki bat idatz dezakezu, edo geziak erabili zenbakia aldatzeko.

Propietateak - Atazak

Aukera hauek ditu:

• Erakutsi ezkutatutako atazak (HIDDEN), Erakutsi itzaldutako atazak (SHADED), Erakutsi leiho-zerrendatik ezkutatutako atazak (SKIP-WINLIST), Erakutsi ataza-barratik ezkutatutako atazak (SKIP-TASKBAR) — Lau elementu horiek Mahai Gidari aukera ematen diote normalean honelako aplikazio batetik ezkutatuko liratekeen eta banderekin exekutatzen diren aplikazioak bistaratzeko. Adibidez, panela HIDDEN, HIDE_FROM_WINLIST eta HIDE_FROM_TASKBAR gisa markatuta dago. Aukera horiek hautatuz Mahai Gidak horrelako aplikazioak erakusteko aukera izango du.

Propietateak - Geometria

Aukera hauek ditu:

• Mahaigainaren altuera [pixeletan] — mahaigainaren altuera ezartzen du. Lehenespen gisa lausotuta egoten da, eta panelaren tamainak automatikoki ezartzen du mahaigainaren altuera. Aktibatzeko, kendu hautamarka Gainidatzi mahaigainaren altuera panelaren tamainarekin kontrol-laukiari.

• Gainidatzi mahaigainaren altuera panelaren tamainarekin — bere tamaina automatikoki panelera egokitzera behartzen du Mahai Gida. Honi hautamarka kenduz gero, altuera eskuz jar dezakezu, Mahaigainaren altuera ezarpenaren bidez.

• Zatitu altuera area bertikalen kopuruaz — applet-aren altuera totala mahaigainen errenkada ikusgaien kopuruaz zatitzen du.

• Mahaigainen errenkadak — Mahai Gidak zenbat errenkada izango dituen panelean zure mahaigainak irudikatzeko.

  Leiho-kudeatzaileak, eta ez Mahai Gidaren applet-ak, kontrolatzen du ordenagailuan zenbat mahaigain egongo diren erabilgarri. Eginbide honek soilik kontrolatzen du Mahai Gidaren applet-ak nola bistaratuko dituen mahaigainak .

• Zatitu altuera errenkaden kopuruaz — aukera honen bidez, goian zehaztutako altuerara (eskuz zehaztutakora nahiz panelaren altuerara doitzeko automatikoki ezarritakora) doituko ditu Mahai Gidak mahaigainen errenkada guztiak. Honi hautamarka kenduz gero, errenkada bat baino gehiago baduzu, Mahai Gidaren altuera normala bertikalki bi edo hiru aldiz handi daiteke.

Diseinu bertikalaren aukerak goiko diseinu horizontalenak bezalakoak dira, baina applet-aren altueraren ordez zabalera aldatzen dute, eta errenkada-kopuruaren ordez zutabe-kopurua.

Propietateak - Aurreratua

Aukera aurreratuen bidez, Mahai Gidak zenbait leiho-kudeatzailerekin izango duen jokabidea kontrola dezakezu, beste ezarpen batzuekin batera.

• Marraztu mahaigainak buffer bikoitzaz (gomendatua) — Mahai Gidak mahaigainak marrazteko metodoa kontrolatzen du. Buffer bikoitzik gabe, makina mantsoagoek dir-dir egin dezakete. Buffer bikoitzarekin, sare-konexioetan mantsoago ibiliko da beharbada.

• Leiho-kudeatzaileak dekorazio-leihoa lekuz aldatzen du — Hautatu hau, leiho bat saguaren erdiko botoiaz lekuz aldatzean ondoriozko leihoaren kokalekua ez badago. Zalantzarik izanez gero, hautatu hau aipatutako leiho-kudeatzaileren bat erabiltzen baduzu (AfterStep, Enlightenment, FVWM, IceWM, edo Sawmill, orain Sawfish deitzen dena).

• Leiho-kudeatzaileak area aktiboa mahaigain guztietan aldatzen du — Mahaigain bat baino gehiago baduzu, eta horietako bakoitzean laneko area bat baino gehiago, aukera honen bidez leiho-kudeatzaileak laneko area aktiboa mahaigain guztietan aldi berean aldatuko du, laneko area mahaigain batean aldatuz gero.

• Leiho-kudeatzaileak orrialdekatzaileak arearen+mahaigainaren propietateak zuzenean aldatzea espero du — Oraingoz ez du eraginik.

• Ataza-zerrenda automatikoki itxi — Atazak ikusteko leihoa automatikoki ixten du, ataza-zerrendaren aplikazio batean klik egin ostean. Hautatuta ez badago, atazak ikusteko gezian bigarren aldiz egin behar da klik leihoa ixteko.

Argibide gehiago

Propietateen elkarrizketa-koadro guztiek botoi hauek dituzte beheko aldean:

• Ados — Ados botoian klik egitean, propietateetan egindako aldaketa guztiak aktibatuko dira eta Propietateen elkarrizketa itxiko da.

• Aplikatu — Aplikatu botoian klik egitean, aldaketak aktibatuko dira baina Propietateen elkarrizketa itxi gabe. Aukera hau oso praktikoa da egin dituzun aldaketen ondorioak ikusi eta propietateak aldatzen jarraitu nahi duzunean.

• Itxi — Itxi sakatzean Propietateen elkarrizketa-koadroa itxiko da. Itxi aurretik Aplikatu botoiaren bidez aplikatutako aldaketak bakarrik mantenduko dira. Gainerako aldaketak ez dira aktibatuko.

• Laguntza — Laguntza botoian klik egitean, aplikazioaren eskuliburua agertzen da, Propietateen elkarrizketa deskribatzen duen orrialdean irekita.

Laster-menuko elementu estandarrak

Applet guztiek elementu hauek eduki ohi dituzte eskuineko botoiko laster-menuan: